Aizawl; Food, Civil Supplies & Consumer Affairs Minister John Rotluangliana chuan ration card computerised hna chu 70% thawh zawh tawh a ni tih a sawi a, he hna hi thawh zawh anih hun chuan ration card lem a bo tawh dawn niin a sawi. Ningani kaltaa Press mite a kawm naah FCS&CA Minister chuan Mizoram mipui chu nuai 10 vel an nih laiin ration la thin chu nuai 13 chuang an awm niin a sawi a. Mi cheng aia ration a hming chuang an tam chhan hi sawrkar hnathawk an awmna an sawn vanga a thar siam, mahse an post an chhuahsan leh hnua an card delete lo an tam vang nia a hriat thu a sawi. Minister chuan Mizoramah chuan mipui za a za (100%) in ration an la a, chutih laiin state dangah chuan 37% te, 40% vel chauhin ration an la thin niin a sawi bawk.