ZALEN Feb 19, 2026: Ration card var a awm, dinhmun harsa te tana Mizoram State Special Ration Package (card sen) siam mekah mi sing 7 vel thun tawh an ni.

Vawiin Assembly budget session zawhna leh chhanna hunah memberte zawhna leh zawh belhna chhanga he thu hi sawiin supply minister B Lalchhanzova chuan, card sen-ah mi sing 7 vel thun tawh an nih bakah hian mi sing 6 vel allotment thar chhuah leh tawh a nih thu a sawi.

Card vara la awm zingah dinhmun harsa an la awm an awm a nih chuan an bialltu DCSO mawhphurhna a ni ang, tiin Notification chhuah thar a nih tawh thu supply minister chuan a sawi bawk.

Supply minister sawi danin, card sen a awmte hian ration buhfai kg.ah Rs. 20 in an la thei dawn a ni.

#ZalenNews