April 18, 2023; April ni 17, 2023, Thawhtanni zing dar 1 bawr vel a hmeichhia kum 28 mi kutthlaktu Laldingngheta (24), Chawlhhmun chu vawiin chawhma dar 10 bawr vel khan man niin, central jail ah dah luh nghal a ni.

Zonuam police outpost atanga ZALEN thudawn danin, Thawhtanni zing dar 1 bawr vel khan Remsangpuii (28) Chawlhhmun chu Laldingngheta hian kutthlakin chempui hmangin na takin a hliam a. Remsangpuii hi Synod Hospital, Durtlangah enkawl mek a ni.

Laldingngheta hi a tlanbo nghal a, a theih ang anga zawn a nih hnu-ah vawiin chawhma dar 10 bawr vel khan Chawlhhmun veng chhungah man a ni a, police ten la nghalin, central jail ah dah luh nghal a ni.

Laldingngheta hian police te hnenah a rui tih sawiin, a awm dan chiah a sawi chiang thei tawh lo niin a sawi. Kut a thlak Remsangpuii hian a lu leh kut ah hliam a tuar na hle nia thudawn a ni.