March 5, 2023; Vawiin chawhma dar 11 bawr vel khan Aizawn veng-ah Ginkhansiama (26) chu chemte a vihhlum a ni a, a vittu Lalawmpuia (Opa) s/o Khianghlunchhungi chu tlanbo in, he thu ziahlai thleng hian a chin hriat a la ni lo.

ZALEN thudawn danin, Ginkhansiama hi North Hlimen khua niin, a ruang pawh postmortem zawh hnu, zanin khan an khua a vui turin lak a ni a, Ainawn vengah hian a nupui nen a inluah niin, a nupui hi a zinbo lai a ni.

Kut an inthlak hun hi vawiin chawhma inkhawm reh lai, dar 11 bawr vel a nih rin a ni a, kut an inthlaklai hmu an awm loh avangin, thil thlen dan kimchang engmah hriat theih a la ni lo a, Ginkhansiama hi hliam na tak tuarin an thenawm ten an hmu a, Ebenezer damdawiin panpui nghal nimahse, damdawiin thlen hnu lawkah a boral.

Lalawmpuia hi mi awm tha duh lo, address mumal pawh nei lutuk lo a ni tih ZALEN thudawnna chuan sawiin, Jail atanga lo chhuak a, chumi hnu a a awmna home atanga rawn chhuak hlim ni a hriat a ni a, tun a khawsak mekna veng pawh chiang taka hriat theih a ni rih lo.

He thil thleng chungchangah hian Zonuam police outpost ah thubuai ziahluh niin, vawiin chawhnu lam atang khan Ainawn khawtlang leh police ten pawikhawihtu hi an zawng a, he thu ziahlai thleng hi chuan a chin hriat a la ni lo.