Rawtuai thartute sum hai luh dan tur

Admin - Jul 17, 2021

Raw-hung khatah kum tin Rawmi Rawtuai 25 Kgs.aia tam a thar thei

F. Vanlalpeka
IMCS Aizawl

Mizoram hi Mau tamna, Rawtuai hmanga sum hailuh theihna (Rawtuai tih hian Mautak chauh a huam lo) kan ti awm e. Tualchhung chawhmeh daih tawk bak erawh kan nei lo. Mimal rama leh Mauhak  kan neihna hmuna Rawtuai awm te hian awmzia a nei tham lo. Tuna ram pilril taka Rawtuai la tur lah hian phurh chhuahna tur senso nen a inmil lo. IMCS Agribusiness Project hmanga Tharchhuah (production), tharchhuah Sawngbawl (processing) leh sawngbawlna atanga hralhna (marketing) kalpui dan tur leh vawiin nia Mizoramin Rawtuai a neih dan hi a inmil lo bawk. Chuvangin, Mizoram atanga Rawtuai tharchhuak a, sawngbawl tak tak nei a, hralh chhuah tham nei tur chuan Matric Tonne sing/nuai tel meuh neih a tul.

Rawtuai tharchhuaktu hlawkna tur: Mizoram tualto mau zingah Rawmi Rawtuai a lian thei ber a,  tuai khat hi 5 Kgs. a tling thei.

Mizoram chhunga Rawtuai dang reng reng hi han mal man a, tharchhuak tura kalpui aiin, tuna Rawmi Rawtuai nei tura  kalpui hi  eng hawizawng pawhin a fuh ber.

Rawmi kung khat phun hian bul tam tak (raw hungpui) a pechhuak thei. Rawmi  hung khatah Rawtuai hi kum tin tuai 5 - 10 a thar thei. Raw-hung khatah kum tin Rawmi Rawtuai 25 Kgs.aia tam a thar thei  bawk.

A hlawkna hmuh theih hun chhung tur ber hi a thatna a ni.

Rawmi hi kumin atanga phuntu ( bamboo planters) chuan  kum 2026-ah Rawtuai a thar tan ang a. Kum 2066 chhung chawl lovin Rawtuai a thar char char tawh ang. 

Rawtuai atanga hlawkna hmu tur hian Rawtuai Hralhna hi chu IMCS Agribusiness Project buaipui tur a ni. Rawtuai pakhat hralhna tur pawh hian awmzia a nei pha dawn. 

Tunah hian he Rawtuai kan sawi hi mahni Huan, mahni  ram hmun remchanga phun turin kan induhthaw hle a ni. Rawtuai atanga mathei lova sum hailut tur hian  khawvela mau tha ber zinga Mizoram tualto mau, rawmi  chiah hi tuna buaipui tlak awmchhun chu  a ni e.

Share now