Aizawl: Reserve Bank of India (RBI) chuan thla 5 kalta atang khan Rs 2000 note chu a siam belh rih lo a, hetih lai hian Rs 200 note chu siam chhuak mekin tun thla hian hman tan tura peih an tum. Thudawn danin Reserve Bank of India chuan Rs 2000 siam chhuah chu a titawp lailawk a, financial year thar hma chu siam chhuah a ni dawn lo. RBI hian Rs 2000 note hi vaibelchhe 370 an siamchhuak, a sum hlut zawng chuan Rs vaibelchhe 740,000 a ni. Thudawn danin RBI hian Rs 2000 note siamchhuah a tih tawp chhan chu Pawisa note hrang hrang te a inpawlh mawi taka ramchhunga hman a nih theih nan a ni a, nikuma pawisa note tihthih zawh khan pawisa note thar leng vak tam thut se tih thuah Rs 2000 tlang chu siamchhuah niin thudawnna chuan a tarlang bawk. Reserve Bank of India chuan Rs 200 note thar chu RBI printing press, Mysuru-ah siam chhuah mek a nih thu leh tun thla hian mipuite'n an hman theih tura peih tum a nih thu an sawi a. ATM lam hotute pawhin ATM-ah hian Rs 2000 note aiin Rs 200 note a tam zawk vat tawh dawn niin an sawi bawk.