Manchester United chuan thla leh hian pre-season tour an nei dawn a, chumi atan chuan an star player Cristiano Ronaldo chuan Real Mallorca lamah training a kalpui leh der tawh. 

Beisei angin tun transfer chhung hian United hi an che na tawk lo va, player lak tum chu nei ve nual mahse boruak nei tham player lakluh an la nei lo. Transfer chungchang a lungawi chiah lo Ronaldo, kum 37 mi hian United hi a chhuahsan duh mai dawn a sawi te pawh a awm. 

A thian tam zawk chuan an kawppui leh chhungkua hruaiin nuam chenin chawlh hun an hman mek a, a ni Ronaldo erawh  chuan theitawp chhuahin thlan tui far zawih zawih khawpin exercise a lo la thung. Zirtawpni-a Real Mallorca lama a practise lai thlalak chu social media lamah a darh a, sawi zui a hlawh hle nghe nghe.

A training lai thlalak hi Instagram story lamah dahin 'done' tiin caption a dah nghe nghe. Season liam ta khan United tana goal thun tam bertu chu Ronaldo hi niin game 38 a khelhah goal 24 a thun a ni. Red Devils hi Champions League khel phak lo tawk velin Premier League-ah parukna an ni bawk. 

Portuguese international hian Old Trafford-ah kum khat contract a la nei a, nakum chuan a duhna lamah a kal thei tawh dawn a ni. Manchester United hian thla thar khian Australia leh southeast Asia tour an nei dawn a, he tour tur atan a  inpuahchahna chu team ang chuan vawiin lam atang khan an nei tan ve chauh a ni.