Krismas hla sawi tawh chuan rilruah 'Kan Khua' tih hla a awm nghal thin, a satu pawh tunge a nih tih sawi ngai loin kan hre theuh awm e. Krismas a hnai chho leh ta hle a, Rebecca Lallawmsangi pawh a awm mai mai lo tih a lang - hla thar a tichhuak. A hla thar hi Mizo taka phuah 'Masi zûn' tih a ni a, December 7 khan a tichhuak a, thalai lam chuan an sakpui leh dual dual thei tawh. 

He hla hi 'Kan Khua' tih hla phuahtu Peka Fanai irawm chhuak tho a ni a, a thu pawhin lung lai a fan leh raih mai. Mipui lam pawhin an ngaina tlang tih a hriat a, YouTube lamah viewer an pung chak hle. Music pawh hi Peka Fanai kut chhuak tho a ni. Video hi Chamtea Grafix kutchhuak a ni a, hmuh a nuamin a hla thu nen pawh a inrem hle a ni.