ZALEN Dec. 18. 2024; Kum 60 tling hnai tawh, zaithiam chuai thei lo Rebecca Saimawiin hrisel leh taksa fit taka a awm theih chhan a tarlang.

A social media page a a tarlan dan :

"Chapo vangah min lo ngaihsak lo ula, thil pakhat ka vei ve ṭhin ka sawi ang.

"I vannei e, i fit reng, thauchhia i nei lo, i hrisel reng....!"

Ni e, Pathian hi ka tan a ṭha a, ka phu vang ni hauh lovin fu-ke kimin ka piang a, ka lawm!

Piantirh aṭanga hrisel lo, exercise pawh la duh mah se, la thei lo an awm laiin kei chu ka duhtawkin ka la thei, ka lawm!

Thil tuihnai nazawng ka ei ngai lo. Ka ei leh inchak nazawng hi ka taksa tana a ṭha lo anih chuan ka eiin ka in lo mai. Peih lo hle ṭhin mah ila ka taksa ka sawizawi ṭha. Peih lo ngawih ngawih chung pawh-a gym ka pan chang a tam a, in lama ka insawizawi chang lah a tam!l

Pathian hian kan enkawl turin taksa, "In" min pe ṭheuh, chu chu ei leh in tui ṭha ṭha leh zuk leh hmuam tih velin chhungkhat ila, thlahdah takin enkawl bawk ila, engvangin nge kan thau, kan thisen a san, kan zun a thlum, kan rih luak loh reng ang?

Kan vannei hle anih loh chuan kan awm mai mai hi kan pian a nalh thlap ngawt dawn lo.

Kan tih ve tur a awm-

Kan hahpui a, kan insum ve phawtte hi a ngai ve a ni. A rah chu taksaah- a thazawngin a rawn langchhuak ang.

Khi'ng ka rawn sawiah khian mi vanduai, natna khirhbik nei, duh mah se zawm ve thei lo mi tamtak an awm; chu'ng tel lo chuan nang, mi hrisel pangngai tan khan a ni, ka ziah ni!

Ka hmalam hunah natna khirh tak pawh ka la tawk thei, chu erawh ka dan theih a ni lo thung!

Ka vannei ringawt bik lo, a phenah hian KA HAH!"