Aizawl: Legal Metro-logy department ten tui meter endik hna an thawh mekah meter endik man reciept-a in ziak leh consumer chawi a in ang lo. Zalen thudawn danin meter endik man atan hian receipt-ah Rs.30 a in ziah laiin Consumer lam chuan Rs.40 an chawi thung a, reciept-a in ziak ang leh an pawisa chawi in ang lo chuan meter endik tir tu ten hriatthiam har an tih thu an sawi. Legal Metrology department ten tui meter endik man atan hian verification fee ah Rs.25 leh registration fee ah Rs. 5, a vaiin Rs. 30 chawi tur a nih laiin Legal Metrology lam chuan Rs.40 chawitir an ni thung. Hemi chungchanga Legal Metrology department hotuten kan palai an hrilfiah danin, "verification leh registration fee Rs. 30 bakah hian PHE lamin test report thehlut tura an tih angin test report fee atan hian Rs. 10 kan la a, mah se hei hi reciept-ah hian kan ziak ve ta lo mai a ni," an ti.