Aizawl September 17, 2024 : Red Bull chuan India rama a hmasaber ni turin thirsakawra kawng chhuk tak tak an tlan thin, infiamna hriat hlawh tak 'downhill mountain biking' chu 'Red Bull Tlang Ruam' tih hming pu-in October 26, 2024 hian Aizawl-ah buatsaih a ni dawn.

Khawpui hmun chep leh hmun rem lo tak taka intisiakna an neih thin downhill mountain biking hi theihna bik leh inpekna mamawh tak a ni.

Red Bull Tlang Ruam, Aizawl-a neih turah hian khawvel huap pawha an chevel en nasat em em mi 25 an rawn tel dawn a. He hunah hian Czech Republic rider Tomas Slavik, Pedro Burns, Chile leh Jeronimo Paez, Argentina te chu team kaihruaitu tur a ni dawn a, October 24 leh 25-ah te an tihna hmun tur an thlithlai ang a. October 26, 2024 hian qualifying leh main race neih tur a ni.

He intihsiaknaa pakhatna South America-a neih tur Red Bull Cerro Abajo-ah an inlan thei dawn a ni.

Aizawl-a he hun buatsaih hi Mizoram sawrkar nena buatsaih tur a ni a, Hyundai chuan an thlawp dawn bawk a ni, he hun hi adventure sports leh tourism tihlarna atana tih a ni.