Milar nupa an ni a, an chanchin hi mite ngaihven a ni reng thin. Mahse an chanchin hriat tur a tam loh bakah an chhuak dun phei chu hmuh tur a awm zen zen lo - Vanity Fair Oscars After-Party-ah erawh Adam Levine leh Behati Prinsloo te chuan red carpet an zawh dun tlat mai. 

Oscars zet chu a boruak a lian bawk a, milar fuan khawm pawh an thahnem kher mai. Chung zingah chuan American singer Adam Levine leh a nupui Behati Prinsloo te pawh hi an tel a, fa an neih hnuah a vawi khat nan red carpet an zawh dun a ni. 

Adam Levine leh Behati Prinsloo te hi kum 2014 khan an innei a, fa pathum an nei tawh. January thla mai khan an fa pathumna hmel an hmu a, chhangchhe chhungkua an ni ve der tawh. Hei vangte pawh hi a ni ang vantlang hmaah an nupa hian an inlan dun khat hle a, an inlandun chhunah lawm an hlawh hle. 

Oscars puala buatsaih Vanity Fair Oscar Party hi Radhika Jones chuan a host a, milar hmuh tur an tam hle.