Salvation Army ten hnuchham puala kum tina an buatsaih thin 'Red Kettle' chu Zirtawpni zan khan Booth Mansion Conference Hall, Temple-ah khuh hawn a ni ta. Minister T.J Lalnuntluanga chuan Red Kettle hi a kick-off a, zaithiam eng emaw zat an zai bawk. 

Kick-off inkhawmah hian Territorial Staff Songsters te an zai a, Territorial Staff Band ten rimawi an tum bawk. Heng bakah  hian - Sawmtea Chhangte, Zaii Hauchhum, Zoramchhani, Zothanpuii leh T. Vanlalhmangaihi te hnen atangin zai ngaithlak a ni bawk.

Hnuchham puala bawm dawh Red Kettle service hi December 3 atangin Aizawl khawpui chhung hmun hrang hrangah kalpui a ni a, heta tanga sum lutte hi mi harsa zawkte hnenah Krismas thilpek atan sem chhuah leh thin a ni. Kum dangah pawh hlawhtling taka kalpui a lo ni tawh thin a, kuminah pawh beiseina sang tak nen ke an an pen chhuak leh ta a ni.