DOWNLOAD OUR APP

Read latest news on your phone
app-store
Redmi Note 12 a chhuak hnai
Dec 05, 2022

Xiaomi chuan an model thar Redmi Note 12 series chu India ramah an tlangzarh leh hnai ta. China-ah chuan tlangzarh a ni tawh a, an sumdawnna hmun pawimawh India-ah pawh an tichhuak thuaiin a rinawm - China leh India-a an tlangzarh tur erawh a inang lo viau dawn nia tarlan a ni. 

Redmi Note series hi India rama an tlangzarh hmasak ber atangin kum 8 lai a liam tawh a, hralh erawh a la kal em em reng. Note 12 series pawh hi hralh a la kel leh hle tura ngaih a ni a, a man a to lem loh avangin mipui nawlpuiin an lei nasa thin hle. 
China-ah chuan Note 12 sereis hi model chi 3 - Redmi Note 12, Note 12 Pro leh Note 12 Pro+ te a ni, mahse hengte hi a vai chuan India-ah hmuh tur a awm nghal dawn lo. Model chi 1 emaw chi 2 an tlangzarh phawt dawn nia tarlan a ni. 

Chinese smartphone siam chhuaktu lian Xiaomi hian Note 11 series kha chi 6 - Redmi Note 11 Pro+ 5G, Redmi Note 11 SE, Redmi Note 11 Pro, Redmi Note 11S, Redmi Note 11 leh Redmi Note 11T 5G lai an tichhuak a, Note 12 series pawh hi a rawn chhuak leh nual mai thei. 

Redmi Note 12 feature langsar tak chu flat-edge design a ni a, hei hi iPhone 12 series te nen a inang. A ken tel tur zingah hian - 6.67-inch OLED display, 2400x1080 pixel resolution leh 120Hz screen refresh rate te a tel. Qualcomm Snapdragon 4 Gen 1 SoC a hmang dawn a, a battery erawh 5,000mAh tho a rawn ni leh dawn. A main camera hi 48-megapixel niin, secondary camera-ah 2-megapixel a hmang a, a front camera chu 8-megapixel  a ni thung. 

Xiaomi India Chief Marketing Officer Anuj Sharma chuan Note 12 series hi a chhuak hnai hle tawh tih sawiin, a hun tur tak erawh a la sawi chiang lo a, kum thar tir lam a nih hmel hle. India-ah chuan 4GB RAM + 128GB storage hi Rs. 13,600 vel ni tura ngaih a ni a, 6GB RAM + 128GB (Rs. 14,600), 8GB RAM +128GB (Rs. 17,000) leh 8GB RAM +256GB (Rs. 19,300) te chu a man tlangpui tura ngaih a ni. 

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh