Sex hman hian i hmel lan dan a tidanglam thei a, i kum pawh eng emaw zat a lak hek sak thei che niin Dr. David Weeks  chuan a sawi.

Tunlai thalaite tuihalna sex

Tunlai thalai tam zawk chu sex lamah an tuihal nasa hle niin British psychologist pakhat chuan a sawi mauh mai. Lungmuang taka sex hmang fo thin te chu sex hmang ve ngai lo te aiin kum nga atanga kum sarih thlengin an lang naupang thei zawk niin a sawi bawk.

"Hmangaihna hi thil tha tak a ni tih hi ka thupui pakhat chu a ni," tiin Dr. David Weeks chuan British Psychological Society a hrilh.

Royal Edinburgh Hospital-a old age psychology hotu hlui, Weeks chuan kum sawm chhung zet chu kum tin mipa leh hmeichhia sang tam takte mimal nun a chhui chhian thu sawiin,"In pawh tawn taka inpawlna nuam tak hi mihring te tan a tha hle a, a bik takin thalai te tana thil pawimawh tak a nih thu a sawi mauh mai. (Thalai a tih hi nula leh tlangval a sawina erawh a ni lo)

Mipa leh hmeichhe ten hmangaihna lipui an chen dunna hian mihring thanna hormone a siam a, chu chuan vun chu tha taka fan reng theih turin a pui a, vun chuar leh zur tur a tih tlem phah thei niin a sawi bawk.

Sex hmanna hian thluak leh nerve lamah hna thawkin taksaah kawng hrang hrangin hna a thawk thin a, chu chuan taksa-ah chemical tha tak tak a pechhuak thin a ni. Hma hun leh hun kal tawh kan lungkham thinna te a chhawk a, mutthilh a ti awlsam bik bawk niin Weeks chuan a sawi.

In pawlna hian thisen kal a tichak a, chu chu lung tan a tha em em a, vun a ti hriselin glow takin a awmtir thei tiin doctor tha tak pakhat chuan a sawi bawk.

Sex hian thau a paih a, tin immune system tichaktu chemical dang a chhuah tir thin bawk a ni. 

"Heng thu avang hian mipat-hmeichhiatna kawngah zalen takin ṭhalai te tlan tur tihna lam erawh a ni lo. Chutih rualin inpawlna hi nun tinuamtu leh tha thauna siamtu pawimawh tak pakhat chu a ni ve reng thung," tiin Weeks chuan a sawi.