ZALEN November 13, 2025 : Mizoram Police SAPF company 8 chu Bihar Assembly Election a security duty in October 24, 2025 khan Sairang Railway Station atangin an chhuak a, anni hi Mizoram atanga rel hmanga election duty tura Mizoram Police an duty na hmun tur thleng thei hmasaber an ni.

C. Lalruatkima, MPS, Adhoc Commandant chuan a vawikhat nana Sairang Railway Station, Mizoram-in a neih atanga tirh chhuah hmasaber an ni chu lawmawm a tih thu ZALEN a hrilh. Sairang Railway station awm hma chuan Silchar emaw Guwahati Railway Station atanga tirh chhuah thin an ni a, tuna tirhchhuah a ni dan hi Mizoram Police tan mellung pawimawh tak a nih thu a sawi. 

Mizoram Police SAPF te hi Bihar Assembly Election 1st Phase ni 6.11.25 leh 2nd Phase 11.11.25 ah an duty a, an nau te pawh inthlanna dik, muanawm leh felfai a awm theih nan theihtawp an chhuah a, an duty na hmun ah te hian Mizo nun ze mawi tlawmngaihna te lanchhuah tir zel in kum lam a upa leh damlo chaklo te pawh tha taka vote an thlak theih nan an tanpui a, khawtual mi te mit pawh tlung takin an duty tih C. lalruatkima chuan ZALEN a hrilh bawk.