ZALEN April 26, 2026: Kum liam ta, 2025-2026 (April - February) chhungin Mizoram tlawhtu khualzin an pung nasa hle a, 8,87,820 an tling a. Ram pawn atanga tlawhtu zingah Myanmar atanga tlawhtu an tam ber a. Data atanga a lan danin Mizoram tlawhtu khualzin hi Sairang thlenga rel loh hnuah nasa takin an pung.

Tourism department tar lan danin 2025-26 chhunga Mizoram tlawhtu khualzin tam berte chu ram chhung atanga kal (domestic tourist+local) an ni a, mi 8,75,118 an tling a. December, 2025-ah khualzin an tam ber a, 1,19,921-te chu ram chhung atanga kal niin ram pawn atanga (foreign tourist) kal mi 1,659 an awm.

April, 2025-ah Mizoram tlawhtu khualzin domestic 67,240 leh foreign tourist 632 an awm a. May, 2025-ah domestic 54,083 leh foreign tourist 298 an awm a. June, 2025-ah domestic 46,740 leh foreign tourist 1,197 an awm a. July, 2025-ah domestic 50,254 leh foreign tourist 1,650 awm bawkin August-ah domestic 62,312 leh foreign tourist 1,518 an awm a. September, 2025-ah domestic 65,187 leh foreign tourist 693 an awm bawk.

October, 2025-ah domestic 94,866 leh foreign tourist 1,358 an awm a. November, 2025-ah domestic 96,944 awm bawkin, foreign tourist 1,115 an awm a. December, 2025-ah domestic 1,32,375 leh foreign tourist 1,145 an awm a. January, 2026-ah domestic 1,19,921 leh foreign tourist 1,659 an awm a; February, 2026-ah domestic 85,196 leh foreign tourist 1,437 an awm bawk. 

Kum liam ta (April-February) chhunga ram pawn atanga Mizoram tlawhtu khualzin zingah Myanmar atangin an tam ber a, mi 9,609 an awm a, USA atanga khualzin 758 awmin Japan atanga tlawhtu mi 279 an awm a, hengte hi ram pawn atanga Mizoram tlawhtu tam zualte an ni. 

Kum liam ta, 2025-26 chhung khan Mizoram tlawhtu khualzin 8,87,820 an awm a, kum dang zawng aiin an pung a. Chung zinga mi 12,695-te chu ram pawn atanga kal (foreign tourist) an ni a. Ram pawn atanga Mizoram tlawhtu zingah Myanmar atanga kal an tam ber. 

Hetihlai hian Mizoram sawrkara tourism department-in a pawm ‘tour guide’ mi 89 an awm tawh a, chung mite chu khawpui bakah thingtlang hmun hrang hranga mite an ni.