ZALEN, December 26, 2025: Chief Minister Lalduhoma ngenna atangin January 1, 2026 atangin Aizawl atanga Guwahati leh Guwahati atanga Aizawl inkar rel tlan hun tihdanglam a ni.

Northeast Frontier Railway (NFR) thuchhuah tar lan danin Sairang-Guwahati Express (No. 15610) hian zing dar 6:00-ah Sairang Rel Station chhuahsanin zan dar 7:30-ah Guwahati a thleng ang a, hetiang bawk hian Guwahati-Sairang Express (No. 15609) pawh zing dar 6:00-ah Guwahati atanga chhuakin zan dar 7:30-ah Sairang a lo thleng dawn a ni.

A hma chuan zan dar 7:00-ah rel hi Sairang atangin a chhuak thin a, hetiang bawk hian Guwahati atangin a lo chhuak thin bawk a ni.

Rel tlan dan thar hi Mizo mipuite remchan zawkna tur nia hriain chief minister chuan Union Railway Minister Ashwini Vaishnaw hnenah thlak tur a ngenna anga tihdanglam nia thudawn a ni.