Aizawl May 31, 2024 : Vawiin khan Republic Veng chuan an veng Local Council huaihawtin an Veng thlanmual tun hnai ruahsur avanga lei min senghawi hnatlang an nei a, naktuk hian hnatlang hi neih chhunzawm an tum.

Republic Veng thlanmual-ah hian hmun hnih-ah lei a min a, vawiin hian a minna pakhat zawk hi an senghawi a, naktuk hian a minna pakhat zawk hi thenfai hnatlang an nei dawn bawk a, vawiina an hnatlanna pawh hi an senghawi zo hman lo a, naktuk hian then chhunzawm turin ruahmanna an siam.

Vawiin hnatlangah hian hian Republic veng mi 250 vel hnatlangin an thawkchhuak a, Upper Republic leh Republic Vengthlang lam atangin mi engemaw zat an thawkchhuak bawk ni.

Naktuk June 1, 2024 (Inrinni) hian Thlanmual min senghawi a hnatlang neih chhunzawm leh tur a ni a, Hnatlang tur ten heng Bawngtuthlawh,Suahdur emaw Ip ruak pakhat tal thawhchhuahpui ngei ngei turin an inngen a ni.