Aizawl: Republic Vengthlang khawtlang chuan Zirtawp zan khan kumin 2018 a Aizawl khawpui veng fai bera thlan an nih lawmna Republic Vengthlang YMA Hall-ah an nei.   Veng fai lawmna hun hi Republic Vengthlang Local Council President R.Lalrema chuan a kaihruai a, a lawmnaa khuallian AMC Secretary David Lalrinawma chuan Republic Vengthlang khawtlang tanrualna chu fakin veng fai bera thlan an ni chu a lawmpui thu leh chhuanawm a tih thu a sawi a. Tuna lawmman an dawn chu duh tawk mai lovin nakin hun zel atan tanlak lehzual nana hmang deuh deuh turin a chah bawk.   Republic Vengthlangin fai ber nih an lawmna hunah hian MJA, Sanitation Committee, Republic Vengthlang YMA, MUP leh MHIP aiawhten thu an sawi a. Republic Vengthlang faina atana thawktu Sanitation Volunteer te hnenah thilpek hlan a ni bawk.   Republic Vengthlang hian fai lawmman hi tum 5 an lo dawng tawh a ni.