ZALEN Nov. 18. 2024; AMC hnuaia Committee on Regulations of Restaurant, Hotel & Hostel te chuan, vawiin ni. 18.11.2024 khan Aizawl Khawpui chhunga Restaurant leh Hotel-te endik hna a tumkhatna atan a kal pui.

AMC Registration te, Bawlhlawh thliar hran leh an hmun hma faina lam te a endik a,. Aizawl khawpui chhungah restaurant te AMC a registration/ Dawr License neilo tamtak an awm tih hmuhchhuah a ni a. Ni.4 November, 2024-a Press Release an lo neih tawh angin la inchungfel lo te chu November, 2024 chhunga lo inchingfel turin hriattir nawn leh an ni a.

Hemi hnu lamah hi chuan, License valid-lo emaw, registration ti lo te chu, an dawr kharsak emaw, AMC Licensing Regulations 2012 in a sawi angin Rs.5000/- thlenga chawitir theih an ni ang.

 He regulations committee ah hian AMC Corporator-te chu hetiangin member an ni:-  

Chairman : Rosiamngheta

Secretary: H Lalremtluanga

Member: Chuauzikpuii

   Zodingpuii

C Lalchhandami

David Zohmangaiha