ZALEN, May 30, 2026: Inrinni chawhnu khan Republic Veng Games & Sports Association (RGSA) buatsaih Grassroot Football Academy 2026-27 chu K.Lalrindika (Sir Dika), Technical Head Reliance Football Young Champs, Mizoram leh S. Malsawmtluanga (Sir Mama), Mentor, Reliance Football Young Champs ten kum 2026-27 chhung atan an hawng.

Hawnna thu a sawiah Sir Dika chuan naupangte chu theihtawp chhuah tur leh RGSA-in Reliance Naupang League an khelhah pawh tel pha ve ngei turin a chah.

Mizoram atanga state pawna football khel zinga hriat hlawh hmasa, Mama pawhin kalkhawm nu leh pate hnenah ngenna siamin an tu leh fate tan theihtawp chhuaha an tui zawng tuipui hram hram turin a chah.

RGSA Grassroot FA-ah hian 2026-27 chhung atan naupang 98 an inziak lut a, naupang an ngah leh hle. Kum dangah pawh RGSA Grassroot te hian an academy a zir naupang an ngah thei hle a ni.

Hawnna hun hi RGSA Presdent Lalnunpuia’n a kaihruai a, season thara Reliance Naupang League an khelh turah champion ngei thei turin inzira awm turte chu a chah ve bawk.