Narcotics Control Bureau (NCB) chuan Nilaini khan Rhea Chakraborty leh a laizawn Showik Chakraborty lakah charge sheet an thehlut tih an puang. Hei hi Bollywood actor Sushant Singh Rajput thih dan chhuina kal zel leh a kaihnawiha ruhho tawlh chungchangah a ni a, an thubuai hi a tawp mai dawn lo niin a lang. July 12-ah hearing neih a ni ang. 

NCB aiawh hian Public prosecutor Atul Sarpande chuan Mumbai special court-ah charge sheet hi a thehlut a, Rhea Chakraborty leh midang an puhna hrang hrang 35 zet a nih thu tarlan a ni. Charge sheet-ah hian he thila inhnam hnawiha puh Rhea Chakraborty leh Showik bakah Sushant Singh-a manager, cook leh a roommate te hming pawh a chuang a ni. 

Sushant hi June 14, 2020 khan thia hmuh a ni a, a thih dan hi a tirah CBI chuan chhuizui mah se tun thlengin pawikhawitu tak hriat chhuah a la ni lo. Enforcement Directorate and Narcotics Control Bureau conducted ten investigation an kalpui ve leh a, hemi kal zelah hian Sushant-a bialnu Rhea Chakraborty chu September 2020 khan man a ni a, Bombay High Court remtihnain thla khat vel hnuah bail-a chhuah leh a ni thung.  

NCB ten charge sheet an thehluh hi July 12 hian special judge V G Raghuwanshi chuan hearing a nei dawn a ni. Rhea hian Sushant-a thih kum hnihnaah khan amah a ngaih thu leh an thlalak dunna thenhat te chu Instagram lamah a lo tarlang tawh a ni.