Aizawl: National Programme for Prevention & Control of Deafness (NPPCD) hnuaiah kum 2015-2016 chhung khan mi 14043 te enfiah an niin beng ri hriatna tha lo mi 1376 hmuhchhuah an ni. NPPCD hi National Health Mission hnuaia district 4 Aizawl East, Aizawl West, Lunglei leh Champhai ah te kalpui a ni a, kumin financial year chhung hian Serchhip, Mamit leh Kolasib district ah te bultan leh tum a ni. NPPCD thiltum ber chu beng ri hriatna tha lo laka ven, hmuhchhuah hmaa enkawl hma, beng tha lo enkawl, training leh mumal taka pawl hrang hrang thawhhona siam te a ni. World Health Organisation chhut danin khawvel mihring zinga 5% (maktaduai 360) zetin ri hriatna ah harsatna an tawk a, chung zinga maktaduai 32 chu naupang an ni. Kum 65 chunglam ah mi pathum zela 1 leh kum 70 chin chunglam 50% in ri hriatna lamah harsatna an tawk nia chhut a ni. NPPCD hi August 2006 khan India ramah tan a niin August 2014 atang khan Mizoram ah bultan ve a ni.