Rihanna chuan Super Bowl Halftime show-ah khan a rai tih a rawn pholang a, show neih zawh hnu khan a thu puangtu chuan a rai thu a rawn nemnghet zui bawk. Hetiang a nih mek lai hian 'We Found Love' hitmaker hian a duh aia hmaah nau a pai leh nia tarlan a ni. 

Rihanna hian a bialpa rapper A$AP Rocky laka an fa pahnihna tur a pai leh mek a, mahse a beisei aia hmaah nau hi a pai leh ni ngei tur a ni. Nikum May thla mai khan an fa pakhatna a piang chauh a, kum khat em pawh a la tling lo. Hengtiang a nih avang hian Rihanna hian a duh aia hmaah nau hi a pai leh niin a lang a, amah ngei pawh a hrilhhai viau a ni awm e. 

Ku 34 mi chuan, "Naute dang chu kan beisei leh ngei a lawm, mahse kan beisei aia hmaah a lo thleng ta a ni!," tiin a sawi. Hetih rual hian an chunga thil thleng hian a tilawm hle tih media thenkhat chuan an tarlang bawk.