Rihanna leh a kawppui A$AP Rocky te inkar a tha lo hle a, an inthen niin khawthlang media te chuan an tarlang hial. Mahse hei hi thudik a ni em tih erawh hriat a ni lo a, an inkar erawh a tha vak lo tih a hriat. 

Barbadian superstar Rihanna leh A$AP inkar chhiat chhan hi Fenty Footwear Designer Amina Muaddi vang nia sawi a ni a, A$AP nen an lo in 'imaita' a ni awm e. An inkar boruak chungchangah hian Rihanna leh A$AP Rocky te an la tawng chhuak lo a, thuchiang hriat tur a awm thuai beisei a ni. 

Fashion influencer @LOUIS_via_ROMA chuan Twitter-ah Rihanna leh A$AP Rocky te inthen thu a tarlang a, an inkarah Amina Muaddi a tla zep tih a sawi - hemi hnu hian an chanchin hi a darh ta a ni. @LOUIS_via_ROMA hian a thu post avang hian a hnuah ngaihdam a dil thung a, hei vang hian an inthen anga thu thang hi a dik lo a nih hmel hle. Rihanna leh A$AP Rocky te hi 2019 atang khan an inzui tan a, tunah hian Rihanna hian nau a pai mek a ni.