Aizawl; Home Minister R.Lalzirliana chuan Mizoram a music industry tih hmasawn nan sawrkar chuan cheng nuai 10 dah a tum tih a sawi. Zirtawpni kalta zana Mizo Zaimi Inzawmkhawm (MZI) khawmpui, Nisapui khuaa a neih a hmanpuinaah he thu hi sawiin Home Minister chuan zaimi te chu an zaithiamna leh a aw te Lal isua faknan leh inremlote inkara inremna atan hmang se a duh tih a sawi a. "Zai hi lungngaite hnemtu, rilru hahdamna siamtu leh hnam inpumkhatna atan hmanraw tangkai ber a ni," a ti. MZI hian 'Audio album/music video ti leak out tu firm/studio te zaimi ten banned turin MZI Gen.Hrs. in hma la rawh se' tih chu an pawm a, nakkum khawmpui chu Kawrtethawveng khua ah nghah a ni bawk. Conference neih rual hian MZI Medical Team ten Nisapui Health Sub- Centre ah Free Clinic an buatsaih a, damlo 210 enin damdawi cheng nuai khat chuang man a thlawnin an sem bawk. Medical Team-ah hian Doctor 3 bakah Staff dang 6 ten damlo an en a, a senso hi BN Hospital & Research Centre leh MZI ten an tum a ni. 2014-2016 chhung hruaitu atan heng mite hi an thlang bawk. President- Lalrinmawia Ralte, Working President - Er. K.Lalrimawia, Vice President- Lalengmawia, General Secretary- Lalhungchhungi Pachuau, Asst. Gen.Secy.- David Z.Hmar, Treasurer- Helen Zaithankungi Sailo, Finance Secretary- Lalrinliana Sailo.