Manchester United chuan rimtu leh dawrtu a neih loh vangin January thlaah pawh Cristiano Ronaldo chu an club-ah a cham chhunzawm zel an rin thu an sawi. 

Portuguese legend contract hi season tawp thleng tur a ni a, chuvangin January thlaah chuan club te nen indawrna nei turin a zalen tawh ang. Dawrtu mumal a neih loh vang hian Red Devils lam pawhin tun dinhmunah chuan an star player hi chan an hlau lutuk rih lo niin an sawi. 

United hian Erik ten Hag hnenah nakkum nipui thlengin, a squad thawm chakna tur sum an pek a rinawm loh vangin an forward hi hralh chhuah mai a harsain a rinawm.

Ronaldo hian United tan season bul a tan tha lem lo a, inkhelh bul tan ve ngar ngar thin kha Marcus Rashford-a lakah a chan tawh bawk.

ESPN sawi danin kum 37-a upa hian rimtu mumal a neih loh avangin January window tawpah pawh Old Trafford lamah a la awm chhunzawm zel an rin thu an tarlang. 

Ronaldo hian nipui lai khan Saudi Arabian club Al Hilal atangin sawmna a dawng a, amah duh ve deuha ngaih Bayern Munich, Chelsea, Napoli leh Real Madrid te erawhin an hnaih lem lo.