In-House Production chuan kumina an film hmasa ber turin Rini leh Rina chu January 19, 2024 hian an tlangzarh dawn. 

Rini leh Rina film hi nula tlangval inngaihzawnna lam a ni dawn a, In-House kutchhuak film awm tawhte nen chuan a inpersan deuh mai thei. An director Drew Pachuau chuan, "Tum tuma kan film tur hi chu romance leh melodrama inpawlh a ni dawn a, a film pawh a muang deuh ruih dawn. Kan film chhuak tawhte nen chuan a inang lo deuh dawn a, nula leh tlangval inngaihzawnna lam kan thlurbing dawn," tiin Zalen palai a hrilh. 

Shooting hi - Thenzawl, Serchhip, Hualngohmun, Aizawl leh Sialsuk khuaahte an nei a ni. 

An director hi Mizo Film Award 2023-a Best Director atana thlan Drew Pachuau a ni a, a thawnthu ziaktu pawh Samuel L. Pachuau bawk a ni. An kut chhuakin belhchian a dawl thin a, an lalakah beisei a sang a nih pawhin a mak lo.