January 19 zana tlangzarh tur In-House Production film 'Rina leh Rini' chu ticket lei theiha chhawpchhuah a ni. Ticket hi film tlangzarh zana tan bik a ni a, Rs. 50 man chauh a ni. 

Francis-a leh Sangsangi channa film hi tun hnaia film chhuak tur zingah chuan en chakawm ber pawl a ni a, Vanapa Hall-ah tlangzarh a nih dawn avangin a hmunah mipui tam zawk a kal theih dawn. Ticket hi QR code scan hmanga lei theih a ni a, a hmunah lei tur a awm bawk ang. 

Rini leh Rina film hi nula tlangval inngaihzawnna lam a ni dawn a, he film-ah hian Pa Hausa atanga mipuiin kan hriat lar Sangsangi chu a changtunu a ni ang. Shooting hi - Thenzawl, Serchhip, Hualngohmun, Aizawl leh Sialsuk khuaahte an nei a ni. 

An director hi Mizo Film Award 2023-a Best Director atana thlan Drew Pachuau a ni a, a thawnthu ziaktu pawh Samuel L. Pachuau bawk a ni. An kut chhuakin belhchian a dawl thin a, an lalakah beisei a sang a nih pawhin a mak lo.