ZALEN, Oct. 2, 2024: Mizoramin Bengaluru-a house sakna tur hmunhma a neih chu Social Welfare Minister Lalrinpuii’n enin Karnataka Dy. Chief Minister DK Shiva Kumar nen sak a nih theih nana thawhho dan turte an sawi dun bawk.

Rinpuii hian Thawhlehni khan deputy chief minister hi hmuin Mizoramin an khawpuia ram a neih dan a hrilh a, Kumar-a pawhin an chief minister lo sawipuia theihtawpa thawhhopui an inhuam thu a hrilh.

Mizoramin ram a neih hi Nilaini khan minister ho hian Karnataka Tribal Affairs Director Yogesh T leh a team bakah Bangalore Mizo Association (BMA) hruaituten an en bawk.

Rinpuii hian Thawhlehni khan Karnataka Tribal Welfare Department Secretary Randeep D, IAS leh tribal affiars director kawmin tribal cultural exchange programme neih theih dan tur chungchang an sawiho leh bawk.