He film hi Mizoramin rambuai nasa tak a tawh bechchhana siam niin, October 27, 2023 (Zirtawpni) zan khan Vanapa Hall-ah tlangzarh a ni. Veng leh khaw hrang hrangah show kalpui a ni dawn a, Lersia Play app-ah dah a ni bawk. 

He film hi Damparengpui khua leh a chheh velah thla hnih dawn shooting neih a ni a, chan pawh a hautak hle. A siam nana sum sen ral pawh Rs. 20,00,000 (nuai 20) chuang zet a ni a, Mizo Film industry tan chuan na mai lo tak a ni. 

'Rise of The Heroes' ah hian Ch. Battralion chanchin bik tarlan a ni a, Maite khua leh Tawizo daia operation an kalpui chanchin kha a ni. He hmunah hian pawi sawi lo mi tam takin nunna an chan a, vai sipai sawn pai pawh sawi tur an awm nual a ni. 

He film-a an director of photography BS Pictures chuan, "Hun chep tak karah leh harsatna tam tak karah kan zo fel ve thei a, shooting kan neih laia kan producer B. Vanlaltan-a'n vanduai thlak taka min boral san erawh hriat thiam harsa kan tihle. Amah hriat reng nan he film hi min lo thlir sak vek dawn nia," tiin a sawi. 

A changtu zingah hian 'Balck Rose' film-a lo inlan tawh Timothy Vangchhia a tel a, en tichakawmtu zinga mi a ni. He film hi rambuai lai chanchin a nih angin silai leh hmanraw dang dang mamawh a ni a, sawrkar atangin thawmhnaw leh silai an dawng. Hei bakah hian shooting an neih chhung zawngin IR pali-in a hmunah venhimhna an thawk a ni.