Aizawl March 28, 2023 : Ni 2 awh tur National Conference on Tourism-in Mission Mode, New Delhi-a neih mekah Tourism Minister Robert Romawia Royte chuan, Ministry atanga tourism infrastructure development te hmangin Mizoram-ah nasa zawka tourism hmasawnna kalpui mek a nih thu leh mirethei te thleng phak hmasawnna a neih a ngaih thu a sawi.

He hunah hian Robert Romawia Royte chuan Mizoram-in Responsible Tourism Policy 2020 a lo neih tawh hmanga responsible & sustainable tourism chu thingtlang khaw hrang hrangah kalpui a nih mek thu te, Ministry atanga tourism infrastructure development te hmangin Mizoram-ah nasa zawka tourism hmasawnna kalpui mek a nih thu sawiin, Tourism Department chuan mirethei te thleng phak hmasawnna a neih a ngaih thu te a sawi bawk.

Tourism Minister chuan Ministry of Tourism-in tourism hmasawnna Mission Mode a kalpui a tum thu chu lawmawm a tih thu a sawi a. Tourism chuan tum leh hmathlir felfai tak nei chunga a kal chuan ram leh mipui ten hlawk zawkin tourism hmasawnna an chhawr thei ang a ti bawk.

He hunah hian Union Tourism Minister G Kishan Reddy leh Union Minister of State for Tourism Ajay Bhatt leh Sripad Naik te bakah State Tourism Minister te bakah Tourism Industry-a mi pawimawh dangte an tel.

Tourism Department hian Best Innovative Practices under Swadesh Darshan-ah Thenzawl Golf Course Cafeteria chuan Runner Up lawmman a dawng a ni.