Aizawl October 2, 2022 : ICT Minister Robert Romawia Royte chu nimin New Delhi-a India Mobile Congress leh IT Ministers’ Conference-ah a tel. Prime Minister Narendra Modi pawh tel vein 5G Services chu a hawng a. 5G Services avangin ramin kawng hrang hrangin hma a sawn ang tih a sawi.

He conference-ah hian Prime Minister Narendra Modi te, Union MEITY Minister Ashwini Vaishaw te, Union MoS Rajeev Chandrashekar te, Union MoS for Communications Devusinh Chauhan, Jio neitu Mukesh Ambani te bakah State IT Ministers te leh Secretary te bakah India leh khawvel hmun dang atangin IT lama hmalatute an tel tam hle.

Session hmasa berah Prime Minister Narendra Modi pawh tel vein 5G Services chu a hawng a. 5G Services avangin ramin kawng hrang hrangin hma a sawn ang tih a sawi.

He huna tel ve Mizoram ICT Minister pawhin thusawiin Mizoramin Telecom Infrastructure Policy a neih thar tawh thu sawiin, hei hian nasa taka hnathawktute tan awlsamna a siam thu a sawi. ICT Minister chuan Mizoram chu hmun kilkhawra awm a nih avangin kawngpui, railways leh air services-ah te a hnufual rih a. Hei vang tak hian internet leh telephone service tha kan mamawh zual bik a ni a ti. ICT Minister chuan Ministry of Communications leh Ministry of MEITY-a Mizoram projects pending mekte chu sanction rang turin a ngen a ni. ICT Minister chuan Minister dangte ang bawkin Social Media-a mahni nihna thup si a nasa taka hmansual a ni mek chu dan mumal tak siama khawng taka do a tul a tih thu a sawi bawk.

ICT Minister hi Chief Secretary Dr Renu Sharma leh Sr Informatic Officer Vanlalringa ten an tawiawm a ni.