Robin Thicke leh April Love Geary te chuan inneih zai an rel ve ta. An inhual atangin kum nga chuang a vei tawh a, a tawpah chuan 'tiam tlat e' an tive dawn ta nge nge a ni. 

'Blurred Lines' singer Robin Thick leh April Love te hi kuminah an innei dawn a, a hun leh ni tur tak erawh puan zar a la ni lo thung. Man leh mual inhlan lo mah se Robin Thick leh April Love te hi khawthlang milar dangte ang bawkin an cheng dun a, fa pawh pathum lai an nei. Innei loa chhungkua awm reng erawh an tum bik lo a, kuminah inkutsuih an tum ve ta a ni. 

Kum 46 mi Robin Thicke leh April Love (29) te hi kum 2018 atang khan cheng dunin, fa pathum - Mia (5), Lola (4) leh kum thum mi Luca te an nei a ni. Robin Thicke hian nupui hmasa Paula Patton a nei a, 2005 khan inneiin, fapa kum 13 mi Julian an nei. Paula Patton nen hian kum 2015 khan an inthen a, April Love nen hian chhungkua an din chho leh ta a ni.