Aizawl: North East India Regional Catholic Bishops' Council (NEIRCBC) chuan INSIGHT IAS Chairman Archbishop John Moolachira D.D. leh Vice Chairman Monsignor Michael Akasius Toppo D.D. te kaihhruaina hnuaiah sakhua zawng zawng huapin Guwahati-ah Intensive Civil Service Exam Coaching an siam. NEIRCBC hotute chuan India ram chhunga hnam tenau zawk leh sakhuana kawngah pawh a tlem zawkten nekchepna tam tak an tawk tih sawiin hei vang hian sakhaw zalenna vawng nung tur leh dik leh thlei bik nei loa ram a kal theih nan ngaihhlut zawng dik nei civil servant an tam a ngai niin an sawi a. Sakhaw zalenna vawn nun pawimawhzia hria sorkar hotu lianah an tam a pawimawh niin an coaching thar tur an sawi hawnnaah hian NEIRCBC hotute chuan an sawi bawk. Intensive Civil Service Exam coaching hi INSIGHT IAS, Guwahati ah neih tur niin thla 10 course a ni dawn a, academician tha zualte bakah civil servant chawl tawh te leh sercvice mekten zirtirna an pe dawn niin NEIRCBC hotute chuan an sawi a. July 2, 2018 atangin UPSC Mains-cum-Prelims Full Time Course chu an tan dawn niin an sawi bawk.