ZALEN, February 12, 2026: Rome, Italy-a International Fund for Agricultural Development (IFAD) Governing Council vawi 49-naah Mizo nula, Khumtunga Darei Banana Chips Manager Laltlandiki Fanai chu mahni kutkawih hmanga ei zawng thalai sawm bik pakua zingah telin thu a sawi.

Darei Banana Chips hian Khumtunga balhla an thar chhuahte chu siam danglamin an thil siamte chu an hralh chhuak thin.

An manager, Laltlandiki Fanai hi Thawhlehni leh Nilainia IFAD 49th Governing Council-ah India, Senegal, Donican Republic, Sri Lanka, Peru, Cameroon, Malawi, Algeria leh Kenya atanga Youth Entrepreneurs pakua sawm bik zingah a tel a ni.

IFAD rorelna sang ber, governing council vawi 49-naah hian khawvel hmun hrang hrang atangin thlalai rual thlan bikte hi khuallian atan sawm an ni a. ‘From farm to Market, Investing with Young Entrepreneurs’ tih thupuia hmangin huan/lo atanga mipui banphaka chhawpchhuah chu an thu laimu a ni.