Cristiano Ronaldo chuan kumina a goal 50-na a thun a, Saudi King Cup-ah Thawhtanni zan khan Al-Nassr chuan an elpui, Al-Shabab chu 5-2-a hnehin semifinal an lut.

Kum 38 mi, Real Madrid leh Manchester United forward hlui hian second half-ah a goal lina thunin kum 2023 chhungin goal 50 a puitlin a ni.

Tun season kal meka a goal 26-na a ni bawk a, heng zinga goal 16 hi Saudi Pro League inkhel vawi 15 atanga a thun a ni.

Ni thum liam taah khan Ronaldo hi intihsiaknaa a inlan vawi 1,200-na thlengin 4-1-in Al-Riyadh an hneh bawk.

He inkhelah hian Portuguese captain hian goal khat thunin goal khat dang a siam chhuak bawk.