A khelh tawh thinna club a lo ni bawk nen Wayne Rooney hian Manchester United enkawl hi a chak hle a, enkawl ni ila hetiang hian ka rem ang tiin duh thu te a lo sam vel chhin niawm ta a ni! 

United tana goal thun tam ber record chelh mektu Rooney hian coaching lama a luh chhan bul ber pakhat chu Old Trafford lama management lam buaipui a nih thu a sawi mauh mai. Championship club Derby boss Rooney hi a rawlthar chhuah hlima a khelhna thin Everton club pawhin an be tawha alo uksak vak lo a ni awm e. 

"Management lama ka luhna chhan bul ber pakhat chu Manchester United enkawl hi a ni. Everton lam pawhin min be tawh mahse ka yes lo. Manchester United manager nih hi ka chak a, tunah erawh ka la inpeih lo tih ka hria, he club enkawl tur hian ruahmanna ka insiam chho zel ang a, engtik niah emaw chuan ka tan kawng ala inhawng ve ngei ang," tiin Rooney hian United enkawl a chak thu a sawi chhuak mauh mai.  

Kum 2004 leh 2009 inkar khan Rooney leh Ronaldo (CR7) te hi kum 5 chhung zet chu an lo khel duh tawh a, 2008 Champions League final-a Chelsea an hneh tum pawh khan team khatah an khel dun a ni. Kum 2017 chho khan Jesse Lingard-a nen pawh Rooney nen hian team khat an lo ni dun tawh.