ZALEN, September 18, 2025: Ningani tlai khan Aizawla Ropaiabawkah mipa ruang chhar a ni a, enfiah a nih hnuah Thawhlehni atanga chin hriat lohva awm, Jubilee Lalhruaitluanga a ni tih hriat niin a ruang hi a chhiat deuh tawh avangin zanah vui nghal a ni.

Tlai dar 06:30 vela kum 31 mi, Chawlhhmun Veng, Aizawla cheng, Jubilee-a ruang hi an hmuh lai hian a bawkkhupa a lo awm bakah a chhiat nasat deuh tawh avangin tunge a nih an hre thei mai lo va, khawih che lovin YMA hruaituten police an pun zui a ni.

Police an thlena an enchiannaah pawh a ruang hi a lo puam chhiat nasat tawh avangin a hmel a hriat mai thei chuang lo va; mahse, a phone ah lai an call atangin a chhungten Thawhlehni zinga an in atanga a chhuah hnua an hmuh zui tak loh avanga an zawn ruk mek, Jubilee-a a ni tih an finfiah thei ta a ni.

Ruang chhar hi finfiah a nih hnuah a chhung te, police, local council leh kohhran thutkhawma an ngaihtuah hnuah postmortem lohva vui nghal mai tha an tih avangin zan dar 11:00 khan an vui nghal a ni.