ZALEN November 28, 2023 : Rorelna Dik te chuan Sawrkar thar lo piang tura chanvo chelhtu zawng zawng te hnenah te, Sawrkarna siamtu Party mite hnenah te, Kohhran, Para Church leh NGO dang dang te hnenah te, sawrkar hnathawk te zawng zawng hnenah te ngenna leh beiseina te an nei a, Ke pena hmalak a tulna zawna ke pen thei turin an sawm bawk.

Rorelna Dik duhtu te chuan, “Kan sawrkar thar tur hi tupawh in kawng dik leh fel an zawhna kawngah chuan theihtawpa tawiawm tlang a, Diklo leh thalo erawh dodal theuh tur pawh in kan sawm in kan ngen nghal a, Keini pawhin chutianga ke pena, theih ang tawka sawrkar hlawhtling neih na tura tha leh zung pawh thawh ve turah kan in ngai," an ti

Rorelna Dik te chuan, Pathian remtih zawng anih chuan hengah te hian ke pen nat zual an duh a, an tum te an sawi. Tunah hian tu party leh pawl pawh in sawrkarna lo siam sela, an dinna ah dingin, ram rorelna an kalpui na kawngah mipui hnena an inzawrh lai leh an hmelmawi an hmatheh hun laia Kawng hrang hrang (Ram hmasawnna ruhrel siam, Sawrkar tha , Eirukna do, Zirna thazawk siam, Intodelhna kawng zawh etc) an thutiam te, manifesto leh an thusawi recorded awm ang ang, rintlak-a kan ngaih khawnkhawm in, chutiang atang chuan sawrkar thar chu Bihzui a, a tul huna an tha ti chak tur leh Kawng diklo an zawh chang a lo awm pawh a dodal a, hmalakna awm thei ang anga hma la turin an insiam tih an sawi bawk.