ZALEN May 20, 2026: Rotary Club of Aizawl chuan Rotary Club of Pune Far East leh Suttatti Enterprises Ltd-te nen tangkawpin, Corporate Social Responsibility (CSR) hnuaia zirna tihhmasawnna hmanrua "Saksham eLearning Project" hmangin Mizorama sikul 10 hnenah Smart TV hmanga zirtirna e-Learning Kit vawiin ni 20.05.2026 khan McCabe Hall, Aijal Club, Aizawl-ah an sem a. Education Minister, Dr Vanlalthlana chuan sikul 10 hnenah hian a hlan a ni. 

Khuallian Dr. Vanlalthlana chuan sikul 10 hnena Saksham eLearning Kit pek an ni chu lawmawm a tih thu a sawi a, "Thingtlang school te ber a sikul naupang te pawh hian Khawpuia zirlai te ang bawkin zirna tha an mamawh a, Rotary club ten hetiang hmanrua zirlai naupang te hnena an pe hi a lawmawm a, naupangte pawhin hma an sawn phah ngei ka beisei a ni," a ti.

Dr. Vanlathlana chuan IT khawvelah kan hnufual thiang lo a, hemi atana school engemaw zat tana hmasawnna tur hmanrua pek an nih hi a lawmawm hle a ni, a ti bawk.

He hmalakna hi tunlai thiamna thar hmanga zirna changtlung leh tha zawk chhawpchhuahna tura ruahman a ni a. 

Saksham unit tinah hian Class 1 atanga Class 10 zirlai huam, software nena thlunzawm 43-inch Smart TV pakhat a awm a, a mamawh dan anga upgrade ziah tur a nih bawk avangin, zirna sang zawkah pawh a chhawm chhoh zel theih dawn a ni.

"Saksham eLearning Project" hian ri leh thlalak (audio-visual) hmanga zirtirna awlsam leh changkang zawk, sikul curriculum nena inmil siin zirlaite tan a tangkai dawn a. He project hi zirtirtu leh hmanrua indaihlohna sikulte tan a thawk hlawk bik tura beisei a ni a, zirlaite sikul kal that tir nan te, sikul chawlsan tur tihniam nan te, leh zirlaite inrintawkna leh thiamna tihhmasawn nan a rintlak hle tih zirchian a a ni tawh a ni.

He hunah hian Suttatti Enterprises Ltd aiawh hotu lian te, Rotary hruaitute leh sawm bik mi thahnem tak an tel a ni.

He huna thu sawitu, a buatsaihtu Rotary Club aiawhte chuan he hmalakna hi Mizoram chhunga sikul leh khawsak harsa zawk tam takah hmalak zel a tum bawk a ni.

Sikul dawngtute chu:

1. Govt Nepali Primary School, Khatla

 2. Govt Gairigaon Primary School, Dinthar

 3. Residential School for Privileged Children Luangmual (Mizoram Hmeithai Association enkawl)

 4. Govt Chaltlang Middle School, Chaltlang

 5. Govt Nepali Primary School,Rangvamual

 6. Govt Middle School, Chawlhhmun

 7. Govt Gorkha Primary School, Zotlang

 8. Helen Lowry School, 7th Day Tlang

 9. Govt Nepali Middle School, Khatla

 10. Govt Primary School, Chawnpui