Aizawl: Telecom industry Reliance Jio chuan 2G phone man tlawm lei thin ten 4G VoLTE network an hman ve theihna turin 4G support Rs 500 a lei theih tur chu July 21, 2017 ah tihchhuah a tum. Thudawn danin he phone thar tur hi Rs 1000 man bawr vel a ni a, Reliance Jio te hian a man chanve chu subsidy angin an kalpui dawn a ni. Rs 500 man smartphone hian Shanghai a Spreadtrum Communications te siam processor a hmang dawn a, August 15, 2017 a hralh chhuah tan tura ruahman niin thudawnna chuan a tarlang bawk. Reliance Jio hian an offer tha tak mai, a thlawna 4G hman theihna chu larpuiin ram pumah Reliance Jio hmangtu an pung nasa hle a, April 2017 thleng khan mi subscriber maktaduai 112.55 an nei tawh a ni. Reliance Jio hian internet pack leh an smartphone chungchangah offer tha tak tak pek chhuah zel an tum niin thudawnna chuan a tarlang bawk.