Mizo film star lar Rosangpuii channa 'LUOITHLI' chu zanin hian Haflong-ah tlangzarh a ni dawn. Hmar tawng leh Mizo tawngin tihchhuah a ni dawn a, Lersia Play App-ah en theih a ni ang.   

Tlangzarhna hun hi District Library Auditorium Hall, Haflong, Dima Hasao-ah neih a ni dawn a, a duh a piang en theih turin Lersia Play App lamah chhawpchhuah a ni bawk ang. He Hmar-Mizo film-ah hian Lunglei nula Rosangpuii a inlan a, Mizo Film Award 2021 'Best Actress' hi en tichakawmtu a ni. 

RSPI hi shooting neiin Haflong lamah hian a zin zak zak a, eng role nge a play tih pawh hriat chakawm tawh tak a ni. A trailer hi YouTbe lamah en tur a awm a, a film kalphung tur chu eng emaw chen a ngaihruat theih bawk. 

'LUOITHLI' hi Mizo tawng chuan "LUAITHLI' a ni a, Hmar tawng thiam lo tan pawh Mizo tawnga en tur a awm dawn avangin en a man hla viau dawn a ni.