ZALEN Sept. 2, 2025 : Private hospital, Mizoram Universal Health Care Scheme (MUHCS) la zawm lo ten an zawm theihna turin sawrkar in ruahmanna thar siam a nei hran lo.

Assembly session neih zawh takah member te zawhna chhanga he thu hi tarlangin, health minister chuan MUHCS chu April ni 1, 2025 atanga hman tan a nih thu te , tun dinhmunah MUHCS atan a sawrkar sum ruahman zat chu finance department-ah dil mek a nih thu te a tarlang.

MUHCS hnuaiah hian category hrang hrang atangin beneficiary chhungkaw 2,85,559 an awm mek a ni. MUHCS hnuaiah sawrkar hnathawk 36,324 an awm mek a, pensioner in register 10,163 an awm mek bawk.

#ZalenNews