Bollywood actor Ranveer Singh chuan Instagram-ah ama saruak thlalak a post a, mahse, a lakah hian FIR an ziaklut mauh mai. Thawhtanni khan Police te chuan Indian Penal Code tlawhchhanin Chembur Police Station, Mumbai-ah thubuai hi an ziak lut a ni. 

Kum 37 mi Ranveer Singh hian magazine pakhat tan ruakin photo shoot a nei a, a thlalak hi Instagram-ah a post - sawi zui a hlawh hle. A thlalak hi mi maktaduai hnih (2) zetin an like tawh a, comment lamah pawh an inhnial nasa hle. Deepika Padukone pasal hian sawiselna tawk nasa hle a, chutihrual chuan thlawptu pawh a ngah. 

Ranveer Singh hi Swara Bhasker, Arjun Kapoor, leh Alia Bhatt te chuan an thlawp thu an sawi. A thian hnai tak Arjun Kapoor pawhin a thalavang hi a hauh na hle a, Alia Bhatt pawh Ranveer Singh lama tang nasa zingah hian a tel.

A laka FIR an ziahluh chhan hi chhiang taka tarlan ni lo mah se Indian Penal Code (IPC) a bawh chhia nia tarlan a ni a, hemi chungchangah Ranveer Singh hi a la tawng chhuak lo thung.