Aizawl: Nimin khan Zoram Entu Pawl (ZEP) leh Ferrando Integrated Women Development Centre (FIWDC – Peace Home) tangkawp chuan Falkawn Cultural Centre ah rualablote ni 'International Day for Persons with Disability' an hmang a, Parliamentary Secretary K.S. Thanga chuan khuallian niin a hmanpui. Parliamentary Secretary chuan rualbanloten an nitin nunphunga harsatna an tawh thin te tikiam a, an tana hmalak chu sawrkarin a ngaih pawimawh thu a sawi a, sawrkar building lun deuh te chu wheelchair a lawn theiha siam a hmalak a nih thu a sawi. Par.Secy. hian rualbanlo te hmanrua (aids and appliances) mi 41 hnenah a sem nghal a ni. ZEP leh FIWDC hi Aizawl District Disabilities Persons Organization in khaikhawm in, Roman Catholic enkawlna hnuaia awm an ni a. Heng pawl pahnih te hian khua 32 tuam in, tun dinhmunah rualbanlo 537 an enkawl mek a. Dinhmun tha zawk leh eizawnna ngelnghet an neih theih nan hma an lakpui thin a. ZEP hian Tlangnuam ah Headquarter neiin, FIWDC hian Durtlang ah Headquarter an nei a ni.