Zirtawpni chhun khan Chite, Kahthelh lui chhak tiaupho ah hnamdang ruang chhar a ni a, mi kutthlak tuara thi ngei nia rin a ni. He ruang chhar hi tunge anih hriat ani lawk lo a, Police ten ruang an lak hnu hian Tahir Ahmed (26) S/o. Mastufa Uddin, Kanaui Bazar, Karimganj ani tih hriat chhuah a ni a. Maxicab Driver niin Zarkawt venga cheng thin a ni a, Ningani zing atang khan a chin hriat lohvin a bo a, TV ah te pawh a bo thu hi puan a ni a, Zirtawpni chhun khan Zokhawsang AR ram zawn thla Chite tiau pho ah thawmhnaw engmah ha lovin ram kalten an hmu a, a lan dan maiah chuan a mit ko velah kutthlakna hnuhma ni awm tak a awm a ni. A ruang hi nimin khan postmortem a ni a, a thattu nia rinhlelh hi Silchar lamah man tuma umzui mek a nia hriat a ni.