Nimin zing dar 6:30 vel khan World Bank road, Chite lui thlangah Lalmalsawma (30) s/o Lalpianmawia, Ramthar North ruang chhar a ni a, nimin vek khan vui nghal a ni. Ramthar North YMA hruaitute chuan Lalmalsawma hi zu nghei hlim leh taksa chaklo a nih avangin mi kuttuar ni lovin amaha chesual palh anih an rin thu kan palai an hrilh. Zirtawpni khan Haulawng ram, Saichhoh Tuikhur mawngah mipa ruang chhe tawh tak chhar a ni a, a lu a filh vek tawh avangin eng ang hmelpu nge a nih hriat theih a ni tawh lova. Kamis pawl hnuaiah tawnzau dum a ha a, underpant vutbuak rawng a ha bawk a. Amah hi feet 5.8 vel ni a hriat a ni a, ruang bulah hian Rs. 200/- hmuh a ni bawk. Ruang hi post mortem turin Lunglei Civil Hospital Morgue House ah dah a ni a, a chhungte zawn mek a ni.