Aizawl: Kawrthah rama kuhva huan siam Hmingchungnunga (62) leh a nupui Rozikpuii (56) te chu an thlamah rawng taka thah an ni a, he chanchin buatsaih lai hian Police ten thil awmdan an chhui mek. Zalen palaiin Kawrthah atanga thu a dawn danin Tumpanglui-a an hlawhfa chhawr Tuikukte chuan thlama an ruang awm hi hmuin an khaw VC te an hrilh a, VC te hian Kawrthah Police-te hrilh chhawng velehin nimin khan ruang hi enfiah a ni a, he chanchin buatsaih lai hian Kawrthah damdawi inah post mortem tih tum mek a ni. Ruang hi a rimchhiat deuh tawh avangin Ningani zan vela thah an nih rin a ni.